Relasyon? Ano
nga ba ang ibig sabihin nito sa bawat isa sa atin? Siguro madaming kahulugan sa
bawat tao, ikaw ba nagkaroon na ng isang relasyon? Pano mo ito ilalarawan sa
sarili mong kahulugan?
Paano kung meron
kang isang taong mahal? Handa mong pagsilbihan hangang sa abot ng makakaya
mo, kahit mahirap at masakit, handa kang intindihin ang lahat ng sitwasyon na
meron siya? At higit sa lahat, hindi mo kayang umalis sa tabi niya kahit na
alam mong hindi ka niya kayang mahalin. Sa tingin mo meron pa kayang ganitong
tao ngayon? Ang sarap isipin na napapasaya mo siya kahit sa maliit na bagay,
kahit may sakit ka, kalagayan pa rin niya ang inaalala mo, yung tipong hindi ka
mapakali pag hindi siya nagtetext, malungkot ka pag hindi mo siya nakikita,
kahit na pa sinasabi mong “ok lang ako”, pero naman pag magkasama kayo, halos umabot na ang ngiti hangang sa
batok kasi masarap yung feeling pag magkasama kayo, pero hangang kelan? Hangang
kelan mo kayang magtiis sa ganong kalagayan? hangang kelan mo isasara ang puso
mo sa ibang tao para lang sa kanya? Sabihin na natin na handa kang masaktan at
tangap mo na hindi ka niya kayang mahalin, pero pano nalang kung bigla siyang
nag mahal ng iba? Handa kna rin bas sa ganon? Kaya mo na bang tangapin yung
ganong klase ng sitwasyon ng biglaan?
Alam natin lahat na madaling
magsalita, pero mahirap gawin, kung sasabihin mo kaya sa sarili mo na “kaya ko
naman” pero unti unti namang nadudurog ang
damdamin mo sa sobrang sakit, lalo na at alam mong nasa piling na siya ng iba,
kahit hindi mo nakikita, alam naman ng isip mong ganon, pano na? pano mo nalang
sasabihin sa sarili mo na mag move on ka na, kung lahat ng bagay sa paligid mo,
pinapaala ang lahat ng masasayang pagkakataon na magkasama kayo, kung isisipin
na nga lang, mahirap talaga, lalo na kung sa bawat araw na dumadaan, pabigat ng
pabigat yung sakit na nararamdaman mo, hindi malayong mangyari kung gigising ka
ng isang umaga at sasabihin mo sa sarili mong “ minahal ko talaga siya, kasi
nasaktan ako ng sobra”. Sabi ng mga matatanda noong bata ako, masarap daw pang
nagmamahal ka na, siguro ang ibig nila sabihin, sa fairy tales lang nangyayari
yung mga ganong bagay, kasi kung masarap ang nagmamahal, bakit mas madami ang
nasasaktan? Swertihan lang siguro yun, pero naisip ko din, kakambal ba talaga
ng pagmamahal ang kabiguan?
Sa isang relasyon, hindi pwedeng
isang tao lang ang nagmamahal, kasi hindi mo naman pwedeng sabihin na
karelasyon mo ang sarili mo. Kadalasan talaga, nagmamahal tayo ng hindi na
natin iniisip kung ang magiging resulta sa huli, basta mahal mo siya, sapat na
sa lahat ng tao yung ganong rason, kahit ano pa ang maging kapalit.
Kung ikaw ang tatanungin, kaya mo ba
maging isang bayani para sa taong mahal mo?
